يابحر فيني من الحزن كثر مافيك
من حزن وأوجاع وغياب وغرايب !!
لاتلومني إليا شفتني دايم أجيك
ولاشفتني دايم على الشط ذايب !!
حزني كبير أكبر من حدود شاطيك
وأقسى من جروح الزمان العطايب !!
وإن كان تنشدني فأنا مقدر أخفـيك
دايم اظن ويطـلع الظـن خايب !!
في هالزمن أقرب حبايبك يشقيك
إلين تدفع في غلاه الضرايب !!
من بعد هذا يبتعـد عنك ويجفيك
ماكنه بجنبك قضى الوقت طايب !!
وإلا الخوي اللي توقعت يفديك
يفديك عمره لاغدت بك نشايب !!
صد وتصدد مايبي سمع طاريك
وياما أنت دونه أتعبتك الطلايب !!
لاتقول لي بدري وتوك ويمديك
وتعال وأسمع باقي الهرج صايب !!
خلك بحالك وأطـلب الرب يهـديك
ولاتنشد اللي غاب ويـن أنـت غايـب ؟؟
وإن شفتني غايب عن حدود شاطيـك
أعرف تراني تحت ذيك النصايب !!
وأعرف تراني دايم إن ضقـت بآجيـك
لأني أنا والموج صرنـا حبايـب !!
2nd مارس 2008, 11:15 am
